Desk

< All Artikelen

De roude Fuedem: e Lidd wat eis verbënnt

Fir d'lescht aktualiséiert den

Mir sangen all dat selwecht Lidd!
Eis grouss Challenge ass et, dass all Grupp d’Lidd „Eng Guide, E Scout“ séngt, a filmt.
Mir schneiden um Enn all d’Videoen zesummen zu engem grousse, gemeinsame Video.
Dës Challenge fänkt um Chefdag un, an dir hutt bis Chrëschtdag Zäit, äre Video eropzelueden.

Lued äre Video hei rop: Upload Link


“Eng Guide, e Scout”

Refrain:

Jo eng Guide, ee Scout

Sinn allzäit bereet

Loosse keen am Stach

Jo stitt op an danzt all mat

Mat Foulard a mat Uniform

Oh Oh – Mir si stolz Scouten ze sinn!

 

Stroph 1:

Am ganze Land si mir verdeelt

Vum Norden an de Süde si mir ënnerwee

Egal ob Sonn, Stuerm oder Reen

Well mir halen zesummen, mir halen zesummen!

Eng Guide, ee Scout

Sinn ëmmer zouverlässeg

Sinn éierlech a fair!

 

Refrain:

Jo eng Guide, ee Scout

Sinn allzäit bereet

Loosse keen am Stach

Jo stitt op an danzt all mat

Mat Foulard a mat Uniform

Oh Oh – Mir si stolz Scouten ze sinn!

 

D’Versprieche setzt eng konkret Gemeinschaft viraus, déi versprécht, datt deen Eenzelen:

  • eng Hëllef kritt säi Wee ze fannen a Sënnfroen ze stellen
  • Vertrauen entgéintbruecht kritt
  • Aktivitéiten an Erfarunge mécht, déi e weiderbréngen a wou e séng Fähegkeete kann entdecken
  • gutt Frënn fënnt, wiz et zu flotten a wichtege Gespéicher kënnt, déi hien als Jugendlechen op séngem Wee weiderbréngen
  • e partizipative Geescht erliewt
  • Cheftainen a Chef, wéi och Kolleege begéint, déi Zäit hunn, fir op hien ze lauschteren (Baden-Powell: ‘ask the boy, the girl’)
  • däerf Feeler maachen a versoen

D’Cheféquipe ass Begleeder a Beroder vun deene Jonken. Kee Contrôleur. Wann also opfällt, dass een säi Verspriechen net anhält, da soll de Chef dat uschwätzen. Awerr am Sënn vu “Wéi kann ech dech ënnerstëtze fir dass et besser geet?” “Wat fäéét der schwéier?”

Eng flott Iddi: wann déi nei hiert Versprieche virbereeden, erënneren déi “grouss” sech un hiert Verspriechen a maachen e klenge Bilan vun hirem Verspriechen.

Froen:

  • Wat huet gutt geklappt vun deem wat ech mir virgeholl hunn?
  • Wou muss ech nach u mir schaffen?

Als Zeeche vun dësem Bilan kënnen d’CaraPio sech entscheede fir de Badge vun der Wandrous.

Wanns du dech wëlls weiderbréngen, da setz der d’Lat net ze niddreg. Et soll ee sech orientéieren un deem, wat ee gutt kann. D’Zil ass d’Fro “Wou wëll ech mech weiderentwéckelen?”

D’Verspriechen ass e wichtegen Deel vum perséinleche Fortschrëtt. D’Guide / Scoutsmethod hëlleft deene Jonken ob hirem Wee weider ze kommen / sech weider ze entwéckelen.

D’Verspriechen hëlleft deem Jonken derbäi säin Zil ze definéieren.

 

An all Branche huet dee Jonken d’Méiglechkeet fir e Verspriechen ze maachen, op deem Entwéckelungsstand wou hie grad ass.

All Jonken probéiert säi Bescht ze maachen, je no séngen eegene Méiglechkeeten. Hie versprécht dëst als Mënsch, deen nach an der Entwécklung ass. Och beim Versprieche gëlt “learning by doing”. De Jonken dierf Feeler maachen an sech doduerch weiderentwéckelen.

Wann de Moment do ass, proposéiert d’Cheféquipe de Memberen aus hirer Unitéit fir hiert Verspriechen ze maachen. D’Guide / De Scout entscheed selwer ob hatt / hien dozou bereet ass.