Desk

< All Artikelen

Mérite Jeunesse

Fir d'lescht aktualiséiert den

D’Fondatioun Mérite Jeunesse Luxembourg gehéiert zur weltwäit féierender Organisatioun The Duke of Edinburgh’s International Award déi an iwwer 140 Länner aktiv ass. Jidderee ka beim Mérite Jeunesse matmaache wann entëschent 14-24 Joer al ass a Loscht huet sech innerhalb vun engem flexibelen an ofwiesslungsräiche Programmseng perséinlechen Zieler ze setzen an déi ouni Zäitlimitt ze erreechen.

Du muss a 4 verschiddene Beräicher aktiv ginn: Benevolat, Sport, Talent an eng Expeditioun maachen. Du sichs dir deng Aktivitéite selwer eraus a stells dir esou ee Programm zesummen deen ausgeglach ass an deen dir Spaassmécht. Et muss een net alles zur gläicher Zäit maachen. Dee Programm soll et dir erméigleche méi Selbstvertrauen ze kréien, Responsabilitéit ze iwwerhuelen, Neies ze entdecken an un deng Fähegkeeten an Talenter ze gleewen.

Wat de Programm dir bréngt

Primary tabs

Am Kader vun enger net-formeller Bildung kann de Mérite Jeunesse eng wichteg Roll am Liewe vun engem Jonke spillen andeems en Méiglechkeete bitt fir engem wichteg Kompetenze fir d’Liewe mat op de Wee ze ginn a Kreativitéit souwéi d’Freed drun Neies ze entdecken ze fërderen.

Zougänglech fir jiddereen

All Jugendlechen tëscht 14-24 Joer ka beim Mérite matmaachen, egal wéie Geschlecht, kulturellen Hannergrond, reliéis oder politesch Iwwerzeegungen oder physesch Viraussetzungen. Een Award kritt een duerch perséinlech Fortschrëtter déi ee méscht, wat bedeit dass et och fir Jonker mat engem Handicap guer kee Problem ass um Programm deelzehuelen.

Super fir an däi CV

Wanns du studéiere gees, eng Léier oder een Austausch méchs gesäit et gutt aus wanns du beim Programm vum Mérite matgemaach hues, well dat weist dass du och an denger Fräizäit dech engagéiert hues an Aktivitéiten duerchgezunn hues. Et gëtt dir och d’Méiglechkeet iwwert dech an deng Passiounen ausserhalb vun der Schoul ze schwätzen.

Fir dech unzemellen, fëll w.e.g. de Formulaire hei ënnen aus. Du kriss dono all Dokumenter, déi s du muss ausfëllen, vun eis geschéckt.

Wann s du Froen hues mell dech roueg bei eis: merite@lgs.lu

Christopher Sirres a Romain Hild

Sekretariat - Umeldung Mérite Jeunesse

Däin Numm*
DD slash MM slash YYYY

D’Versprieche setzt eng konkret Gemeinschaft viraus, déi versprécht, datt deen Eenzelen:

  • eng Hëllef kritt säi Wee ze fannen a Sënnfroen ze stellen
  • Vertrauen entgéintbruecht kritt
  • Aktivitéiten an Erfarunge mécht, déi e weiderbréngen a wou e séng Fähegkeete kann entdecken
  • gutt Frënn fënnt, wiz et zu flotten a wichtege Gespéicher kënnt, déi hien als Jugendlechen op séngem Wee weiderbréngen
  • e partizipative Geescht erliewt
  • Cheftainen a Chef, wéi och Kolleege begéint, déi Zäit hunn, fir op hien ze lauschteren (Baden-Powell: ‘ask the boy, the girl’)
  • däerf Feeler maachen a versoen

D’Cheféquipe ass Begleeder a Beroder vun deene Jonken. Kee Contrôleur. Wann also opfällt, dass een säi Verspriechen net anhält, da soll de Chef dat uschwätzen. Awerr am Sënn vu “Wéi kann ech dech ënnerstëtze fir dass et besser geet?” “Wat fäéét der schwéier?”

Eng flott Iddi: wann déi nei hiert Versprieche virbereeden, erënneren déi “grouss” sech un hiert Verspriechen a maachen e klenge Bilan vun hirem Verspriechen.

Froen:

  • Wat huet gutt geklappt vun deem wat ech mir virgeholl hunn?
  • Wou muss ech nach u mir schaffen?

Als Zeeche vun dësem Bilan kënnen d’CaraPio sech entscheede fir de Badge vun der Wandrous.

Wanns du dech wëlls weiderbréngen, da setz der d’Lat net ze niddreg. Et soll ee sech orientéieren un deem, wat ee gutt kann. D’Zil ass d’Fro “Wou wëll ech mech weiderentwéckelen?”

D’Verspriechen ass e wichtegen Deel vum perséinleche Fortschrëtt. D’Guide / Scoutsmethod hëlleft deene Jonken ob hirem Wee weider ze kommen / sech weider ze entwéckelen.

D’Verspriechen hëlleft deem Jonken derbäi säin Zil ze definéieren.

 

An all Branche huet dee Jonken d’Méiglechkeet fir e Verspriechen ze maachen, op deem Entwéckelungsstand wou hie grad ass.

All Jonken probéiert säi Bescht ze maachen, je no séngen eegene Méiglechkeeten. Hie versprécht dëst als Mënsch, deen nach an der Entwécklung ass. Och beim Versprieche gëlt “learning by doing”. De Jonken dierf Feeler maachen an sech doduerch weiderentwéckelen.

Wann de Moment do ass, proposéiert d’Cheféquipe de Memberen aus hirer Unitéit fir hiert Verspriechen ze maachen. D’Guide / De Scout entscheed selwer ob hatt / hien dozou bereet ass.