Desk

< All Artikelen

Neies bei de « Frënn vun de Lëtzebuerger Guiden a Scouten asbl.»

Fir d'lescht aktualiséiert den03/06/2026

Et gëtt Neies bei de « Frënn vun de Lëtzebuerger Guiden a Scouten asbl.»

Säit der Generalversammlung vum 27. Abrëll 2026 huet de Conseil d’Administration vun der Asbl. geännert.

No der Demissioun vu 5 Leit iwwerhuele 5 nei Leit, alleguer och Member vum Comité vun der « Lëtzebuerger Guiden a Scouten asbl », eisem Verband, Posten am neie Conseil d‘Administration vun de «Frënn vun de Lëtzebuerger Guiden a Scouten asbl. »

Mir soen de fréieren CA-Leit e grousse Merci fir hier vill Aarbecht déi se geleescht hunn.

Niewent dem gudde Fonktionnement vum Guiden- a Scoutsshop sinn d‘Exploitatioun an d’Gestioun vun eisen 2 Haiser Neihaischen a Bilschdref a vun eiser Campwiss Fënsterdall eis Haaptaufgaben.

Fir eis Sittën Bilschdref a Fënsterdall wäert kuerzfristeg näischt änneren; mir hoffen datt se weider dee Succès hu wéi bis elo.

Um Neihaischen sinn awer nach ëmmer grouss Aarbechten amgaang an et ass decidéiert ginn, datt elo mol, bis de Gros vun den Aarbëchten oofgeschloss ass, keng nei Reservatioune vum Chalet méi ugeholl ginn. Aktuell Reservatioune bleiwen awer bestoen.

D’Campplaz, mat den externe Sanitairen kann awer weider, wéi bis elo, reservéiert a benotzt ginn.

D’Versprieche setzt eng konkret Gemeinschaft viraus, déi versprécht, datt deen Eenzelen:

  • eng Hëllef kritt säi Wee ze fannen a Sënnfroen ze stellen
  • Vertrauen entgéintbruecht kritt
  • Aktivitéiten an Erfarunge mécht, déi e weiderbréngen a wou e séng Fähegkeete kann entdecken
  • gutt Frënn fënnt, wiz et zu flotten a wichtege Gespéicher kënnt, déi hien als Jugendlechen op séngem Wee weiderbréngen
  • e partizipative Geescht erliewt
  • Cheftainen a Chef, wéi och Kolleege begéint, déi Zäit hunn, fir op hien ze lauschteren (Baden-Powell: ‘ask the boy, the girl’)
  • däerf Feeler maachen a versoen

D’Cheféquipe ass Begleeder a Beroder vun deene Jonken. Kee Contrôleur. Wann also opfällt, dass een säi Verspriechen net anhält, da soll de Chef dat uschwätzen. Awerr am Sënn vu “Wéi kann ech dech ënnerstëtze fir dass et besser geet?” “Wat fäéét der schwéier?”

Eng flott Iddi: wann déi nei hiert Versprieche virbereeden, erënneren déi “grouss” sech un hiert Verspriechen a maachen e klenge Bilan vun hirem Verspriechen.

Froen:

  • Wat huet gutt geklappt vun deem wat ech mir virgeholl hunn?
  • Wou muss ech nach u mir schaffen?

Als Zeeche vun dësem Bilan kënnen d’CaraPio sech entscheede fir de Badge vun der Wandrous.

Wanns du dech wëlls weiderbréngen, da setz der d’Lat net ze niddreg. Et soll ee sech orientéieren un deem, wat ee gutt kann. D’Zil ass d’Fro “Wou wëll ech mech weiderentwéckelen?”

D’Verspriechen ass e wichtegen Deel vum perséinleche Fortschrëtt. D’Guide / Scoutsmethod hëlleft deene Jonken ob hirem Wee weider ze kommen / sech weider ze entwéckelen.

D’Verspriechen hëlleft deem Jonken derbäi säin Zil ze definéieren.

 

An all Branche huet dee Jonken d’Méiglechkeet fir e Verspriechen ze maachen, op deem Entwéckelungsstand wou hie grad ass.

All Jonken probéiert säi Bescht ze maachen, je no séngen eegene Méiglechkeeten. Hie versprécht dëst als Mënsch, deen nach an der Entwécklung ass. Och beim Versprieche gëlt “learning by doing”. De Jonken dierf Feeler maachen an sech doduerch weiderentwéckelen.

Wann de Moment do ass, proposéiert d’Cheféquipe de Memberen aus hirer Unitéit fir hiert Verspriechen ze maachen. D’Guide / De Scout entscheed selwer ob hatt / hien dozou bereet ass.