Säit ville Jore gouf bei den LS / LG an dono bei den LGS vun der Noutwendegkeet rieds, Archiven opzebauen. Et gouf och an der Vergangenheet schonns en etlech Versich.
Zënter ronn zwee Joer ass et elo endlech esouwäit. No der Decisioun vun dem Comité, Archiven opzebauen an z’entwéckelen a ville Viraarbechte kann sech den Aarbechtsgrupp elo kuerz virstellen.

De Verband wëll eng Mémoire collective opbauen. Si soll hëllefen…

• • d’Evolutioun vun den LG, LS a spéider d’LGS ze dokumentéieren an interesséierte Memberen aus der Verbandsleedung oder lokale Gruppen a Studenten, Doktoranden a Chercheuren zougänglech maachen.
  • Jetzegen a spéidere Responsabele vun den LGS Dokumenter zu de Methoden a  Konzepter  vun de Branchen, den Ausriichtunge vum Verband, de Programmer insgesamt, wéi och zur Organisatioun vu groussen nationalen Evenementer (national Aktivitéite wéi Campen, Rallyen, asw.) zur Verfügung ze stellen.

Bei den Dokumenter handelt et sech:

• • Insgesamt ëm schrëftlech Dokumenter wéi Rapporten, Programmer, Konzepter, Methoden, Zäitschrëften, Artikelen an der Press, Brochuren  … (a physesch oder an digitaler Form), Fotoen, Filmer Plakaten, elektronesch Medien…
  • ëm déi wichteg Rapporten an Dokumenter aus de Branchenekippen, dem Comité an deenen aneren Ekippe vun den LGS.

D’Enregistréiere geschitt elo schonns mat Hëllef vun enger Archivesoftware an an Ofsprooch an Ënnerstëtzung mat dem CNA an den Nationalarchiven.
Een Handbuch, dat aktuell an der Aarbecht ass, soll schrëftlech Prozeduren an Aarbechtshëllefen ubidden,  mam Zweck een eenheetlecht Schaffe mat den Archivgidder sécher ze stellen.
Eng Zesummenaarbecht matt der Equipe „Public Relation“ awer och anere Gremie vum Verband ass virgesinn, well et ass wichteg, datt jiddereen säi Beitrag zum Archiv leescht awer och vun dëser Mémoire collective profitéiere kann.

Weideren Timing

• • An de nächste Woche ginn d’Prozedure fir d’Rezeptioun  vun deene verschiddene Forme vu Material nach fäerdeg gestallt.
  • Nach virum Summer gi Leit perséinlech ugeschriwwen, fir no Dokumenter ze froen, déi interessant fir d’Mémoire collective sinn.
  • Um Chefdag am Hierscht stellt den AG Archiven a Recherche de ganze Projet vir an ass da prett fir weiderhi verantwortungsvoll gréisser Quantitéite vun Dokumenter ze verschaffen.

De Moment huet den Aarbechtsgrupp sech dräi Voleten opgedeelt:

• • Allgemeng physesch oder digital Dokumenter
  • Fotoen an audiovisuellt Material
  • Recherche zur fréierer an heiteger ideologescher a pedagogescher Entwécklung vun den LGS

D’Memberen vun dem AG A&R

• Grupp Dokumenter:
  • Alain Van den Bossche
  • Ender Wagener
  • Fränz Pauly
  • Tweety Mouris
• Grupp Medien:
  • Arny Martin
  • Fernande Jourdain
  • Monique Rock
  • Nicole Gaudron
  • Skippy Mouris
• Grupp Recherche:
  • Andy Vuori
  • Christiane Meyers
  • Jom Weber
  • Marc Klepper
  • Marc Weis
  • Pol Felten

Kontaktéier eis!

archiven@lgs.lu