De Weekend ass am Chalet Nicolas Rollinger um Neihaischen (1, rue Principale L-5290 Neihaischen). E fänkt Freides Owes um 18h00 un an dauert bis Sonndes Mëttes 18h00.

Matbrénge solls du :

• Uniform a Foulard
• Kleeder fir bei all Wieder erauszegoen
• fest Schong
• Schlappen
• Schlofsak
• Täscheluucht
• Täschemesser
• Wäschgeschirr
• Gamell, Besteck a Becher
• Kichenduch
• Formatiounskaart (wann s du schonn eng hues)
• evtl. e Kompass
• evtl. e Muséksinstrument

E gudden Deel vun der Formatioun ass dobaussen oder am Keltenhaus. An dat wierklech onofhängeg vum Wieder. Dofir denk onbedéngt u waasserdicht a waarmt Gezei !

Wann s du nach Froen hues, kanns déi op formatioun@lgs.lu mailen oder dem Cathy Kirsch an der Géisserei uruffen (Tel.: 26 94 84).

Mir wënschen Dir eng flott Formatioun !

d’Formatiounsekipp

————————————————

D’Formatioun bei den Lëtzebuerger Guiden a Scouten (LGS) huet als Zil, de Chef/tainen Kenntnësser a folgende Beräicher ze vermëttelen:

• D’Ziler, d’Method an d’Geschicht vum Scoutissem/Guidissem an d’Grondsätz vun den LGS
• D’Roll als Chef/taine
• D’Method fir mat Guiden a Scouten ze schaffen an där Branche wou de Kandidat Chef/taine wëllt ginn
• Animatiouns- a Kommunikatiounstechniken
• Guiden a Scoutstechniken
• Den Emgank mat de Meedercher a Jonge vun der betreffender Branche
• D’Sécherheet an Hygien bei den Aktivitéiten
• D’Organisatioun an Opbau vum Verband vun den LGS
  D’Theorie, déi op der Formatioun mat aktive Methode vermëttelt gëtt, ass praxisbezunn.