Dëst Joer fënnt den Iron Scout nees statt.

65 km, 24h !

#edition16 #carapiosueden

Deng CaraPio / RaRo wëllen hier kierperlech Limitten testen an iwwert sech selwer erauswuessen? Dann ass den IRON SCOUT genee de richtegen Challenge fir si.

Kuck den Trailer! klick hei!

Oflaf

D’CaraPio starte fréi mueres an hunn da maximal 24 Stonnen Zäit fir de ganze Wee ze trëppelen. Natierlech ka jiddereen och éischter ophalen.

Chef

Chef kënnen um Iron Scout net mattrëppelen. Si engagéieren sech bei verschiddene Chargë fir den Encadrement vun de CaraPio ze garantéieren (Ravi, Posten, Taxi …).

Sponsoring

D’CaraPio kënnen sech Sponsore loosse pro Kilometer den si trëppelen. Den Erléis heivu geet un d‘AssociatiounTrisomie21.

Nodeems dir de Virement fir är Trupp gemaach hutt, kritt dir e Mail mat all de weideren Detailer zum Oflaf an zum Sponsoring.

Präis CaraPio / RaRo (IronScout)

– 40€ Basic Iron-Package : 5 Gänge-Menü, Badger, Taxi an eng Bloderplooschter

– 65€ Premium Iron-Package : Basic Package + T-Shirt + VIP Taxi + 2. Bloderplooschter

T-shirt vun der Mark Neutral mat Serigraphie vum Atelier Kräizbierg

Präis Chef (IronScout)

– 25€

– 50€ mat T-shirt

Präis Chef (IronChef)

– t.b.d.

Iron Chef

Dëst Joer fënnt och den IronChef nees statt. Organiséiert vun der CaraPio Regional Ekipp Süden.

Dës Aktivitéit ass fir all Chef! Den IronChef fënnt vum 22. op de 24. Mäerz zu Klierf statt. Méi genau Detailer an Präis kennt no der Umellung.

Sieft Iech bewosst, dass den IronChef en Deel vun der Preparatioun fir den IronScout ass. Den néien Wee fir Editioun 2024 gëtt bei dësem Challenge mat der Kaart oofgetrëppelt an den Wee ass net markéiert. Puer Posten sinn assuréiert awer net sou vill wei um IronScout.

Och als Chef kanns du dech sponsoren loosen an Suen fir en gudden Zweck sammelen.

Truppen Umeldung

D’Truppen mussen sech virum 22. Dezember 2023 umellen mat eng approximativer zuel un CaraPio / RaRo / Chef dei um IronScout an IronChef wellen Deel huelen.

Fir den IronChef mellt sech jiddereen eenzel un.

D’Umeldung leeft iwwert de Formulaire um LGS Site hei ënnendrënner:

D’Umeldunge si leider zou !

Bis Geschwënn,

CaraPio Süden