Zënter Ufank Juni 2024 schaffen ech an der Géisserei, also gëtt et héich Zäit, datt ech mech virstellen!

Ech sinn d’Referentin fir d’Gruppen an schaffen ech dofir an enker Zesummenaarbecht mat der Gruppenekipp, fir e gudden Iwwerbléck vum Stand vun deene verschiddene Gruppe kënnen ze kréien. Dëst erlaabt mir, am stännegen Echange mat de Gruppe ze stoen an hinnen d’Ënnerstëtzung ze bidden, déi se brauchen.

Mäi Fokus läit dorop, de Gruppen als Ulafstell zur Verfügung ze stoen, déi Problemer hunn oder déi gezielte Berodung brauchen – sief dat bei der Programmgestaltung, de soziale Medien oder an anere Beräicher. Ech si besonnesch dofir do, déi Gruppen aktiv ze ënnerstëtzen, déi relancéiert musse ginn, a si bei hire Projeten ze begleeden. Wann en neie Grupp am Entstoen ass, steet meng Hëllef och hei zur Verfügung.

Zesumme mat der Gruppenekipp an de concernéierte Gruppen entwéckele mir Iddien, fir si konkret a gezielt ze ënnerstëtzen. Ech sinn och um Terrain aktiv, fir direkt bei de Gruppen ze sinn an d’Ënnerstëtzung aus éischter Hand ze bidden. Donieft sinn ech d’Uspriechpersoun fir alles, wat de Mérite Jeunesse ugeet. Wann dir Froen hutt oder wann an ärem Grupp eppes ass, wou dir gären driwwer schwätzen wëllt, kënnt der iech gär bei mir mellen!

roxane.fijean@lgs.lu

Tel: 26 94 84 37

Ech freeë mech op eng flott Zesummenaarbecht!